म छोरा मान्छे !!!

म छोरा मान्छे !

जन्मिने बितिक्कै थाप्लोमा,

रहर अनी बाध्यताको बोझ बोकेको म छोरा मान्छे !

सानो हुन्जेल, रहर हरु थिए जब ठुलो हुँदै गए,

त्यही रहरहरु बाध्यता बन्दै गए !

रहर हरु अंगाल्ने यि हात हरुले

बाध्यताको बोझ उठाउन साचै कठिन् हुने रहेछ !

तर म त छोरा मान्छे,

आफ्नो जिम्मेवारि उठाउनमा अलिकती चुक्ने बितिकै

सबैले देख्छन तर आफ्ना सपनाको

दाग्बत्ती दिएको कसैले देख्दैनन !

हुन त छोरा मान्छे पो त !

'चाहे दस जनाले किन नगिरावोस ,

तर म जसरी नि सधैं उभिनु पर्छ' 'चाहे मेरो रहर जे होस् तर मैले सबका रहर पुरा गर्नु पर्छ

म छोरा मान्छे पो त !

आमाको स्याहार , बुवाको साथ

अनी दिदी हरु को प्यार बोकेको म छोरा मान्छे,

दिदि बहिनी को बिहेमा कठोर् दिल

लिगी काधमा बोकेर अन्माउने म छोरा मान्छे,

बाउको जिम्मेवारीमा कम्जोर काध थाप्ने म छोरा मान्छे,

आमाको आसु लाई आफ्नो मुस्कान सापटि दिने म छोरा मान्छे,

सानो हुन्जेल ठुलो हुने प्रतीक्षा गर्ने म छोरो मान्छे,

यता हेर्दा बुवाको इज्जत उता हेर्दा आमाका सपना अनी बिच परेका मेरा रहर,

चाहे दिल जती सुकै दुखोस् म रुनु भएन,

चाहे जती जनाले छोडेर जाउन म रुनु भएन,

चाहे म सँग कसैले झुठो प्रेम गरोस् म रुनु भएन,

चाहे कसैले मेरो विश्वाश तोडोस म रुनु भएन,

जन्म जातै मुटु पत्थर बनाउनु पर्ने,

हुन त म त् छोरा मान्छे !

आमा बुवालाई स्वर्गको ढोका खोल्दिनको लागि जन्मिएको म छोरा मान्छे !

समाजको अगाडि बंश धान्ने म छोरा मान्छे !                                                                                                                             मनिष अधिकारी , धनकुटा